Һиндонезийә президенти җов байден билән ши җинпиңниң G-20 башлиқлар йиғиниға қатнишидиғанлиқини билдүргән

Һиндинозийә президенти җокови америка президенти җов байен билән хитай рәһбири ши җинпиңниң 15- вә 16-ноябир күнлири һиндонезийәниң бали шәһиридә өткүзүлидиған G-20 дөләтлириниң башлиқлар йиғиниға қатнишидиғанлиқини елан қилған.

Җоковиниң билдүрүшичә, җов байден билән ши җинпиңни өз ичигә алған 17 дөләтниң рәһбири бу йиғинға қатнишидиғанлиқини дәлиллигән. Лекин русийә президенти путин билән украина президенти зеленсикй техичә өзлириниң бу йиғинға қайнишидиған-қатнашмайдиғанлиқини муәййәнләштүрмигән. “блумберг хәвәрлири” агентлиқиниң билдүрүшичә, президнет җокови путин билән зелениский һәр иккисиниң “әгәр вәзийәт йол қойса, қатнишишимиз мумкин” дегәнликини ейтқан.

Һалбуки, ақсарай билән җоңнәнхәй президент байден билән ши җинпиңниң бу йиғинға қатнашса, айрим һалда йүз туранә учришидиған яки учрашмайдиғанлиқи тоғрисида һазирғичә һечқандақ баянда болуп бақмиди. “җәнубий хитай әтигәнлик почтиси” гезитиниң 8-ноябир бәргән хәвиридә ейтилишичә, нөвәттә икки тәрәп байден билән ши ниң йүз туранә учришиши тоғрисида сөзлишиватқан болсиму, лекин һазирқи басқучта һәр иккила тәрәп буни ашкара елан қилишни халимайдикән.

Әгәр байден билән ши җинпиң балида учрашса, бу америка президентиниң вәзипигә олтурған аз кәм 2 йилдин бери тунҗи қетим униң билән йүз туранә учришиши болуп һесаблинидикән.

Мәлум болушичә, әгәр икки тәрәп америка җумһурийәтчи кеңәш палата әзаси җош хавлей ши җинпиңниң уйғур ирқий қирғинчилиқидики мәсулийитини җавабкарлиққа тартиш тоғрисида қанун тәклип лайиһәси сунған бир вақитта йүз туранә көрүшсә, бәзи дөләт мәҗлиси әзалириниң президент байденға уйғур ирқий қирғинчилиқини тохтитишни тәләп қилиш тоғрисида бесим ишлитиш мумкинчилики бар икән. Һалбуки, “җәнубий хитай әтигәнлик почтиси”, икки тәрәп юзтуранә көршкән тәқдирдиму, бу икки дөләт арисидики мәвҗут һаләттә түп өзгириш пәйда қилмайдиғанлиқини ейтқан.