Америка тәвәликидики коломбийәлик муштлашчи гене һерера сәһнидә "уйғурларға әркинлик" тәләп қилди

Мухбиримиз әркин
2021-07-26
Share

23-Июл американиң флорида штатидики темпа шәһиридә өткүзүлгән әркин муштлишиш чемпийонлуқ мусабиқисидә америка тәвәликидики коломбийәлик маһир гене һерера сәһнигә "уйғурларға әркинлик" дегән майка билән чиқип, уларға әркинлик тәләп қилған.

Гене һерера сәһнигә коломбийә байриқини көтүрүп, алдиға уйғурларниң ай юлтузлуқ "шәрқий түркистан байриқи" чүшүрүлгән вә "уйғурларға әркинлик" дегән хәт йезилған майкини кийип чиққан.

Таратқуларниң хәвәр қилишичә, гене һерера: "бу мусабиқә дуняниң һәр қайси җайлирида изтирап тартиватқан вә авазини аңлиталмайватқанлар үчүндур. Мән бу мусабиқини йәнә бир күн һаят қелиш үчүн күрәш қиливатқан дуняниң һәрқайси җайлиридики инсанларға беғишлаймән. Уйғурларға әркинлик! кубаға әркинлик! һазир зулум чекиватқан һәр бир инсанға әркинлик" дегән.

Мәлум болушичә, гене һерераниң бу җәсур һәрикити твиттер, фейсбук қатарлиқ таратқуларда нурғун қоллашқа еришкән. Шу күнки мусабиқидә портирикалиқ рәқиби абдел велакуз билән муштлишип, рәқибини йәңгән гене һерера бу мусабиқини уйғурларға беғишлайдиғанлиқини билдүргән. Бу йил 31 яшлиқ генера американиң калифорнийә штатида туғулған болсиму, лекин у коломбийәдә чоң болған. Униң кәспий муштлашчилиқ һаяти 2011-йили башланғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт