Amérika tewelikidiki kolombiyelik mushtlashchi géné héréra sehnide "Uyghurlargha erkinlik" telep qildi

Muxbirimiz erkin
2021-07-26
Share

23-Iyul amérikaning florida shtatidiki témpa shehiride ötküzülgen erkin mushtlishish chémpiyonluq musabiqiside amérika tewelikidiki kolombiyelik mahir géné héréra sehnige "Uyghurlargha erkinlik" dégen mayka bilen chiqip, ulargha erkinlik telep qilghan.

Géné héréra sehnige kolombiye bayriqini kötürüp, aldigha Uyghurlarning ay yultuzluq "Sherqiy türkistan bayriqi" chüshürülgen we "Uyghurlargha erkinlik" dégen xet yézilghan maykini kiyip chiqqan.

Taratqularning xewer qilishiche, géné héréra: "Bu musabiqe dunyaning her qaysi jaylirida iztirap tartiwatqan we awazini anglitalmaywatqanlar üchündur. Men bu musabiqini yene bir kün hayat qélish üchün küresh qiliwatqan dunyaning herqaysi jayliridiki insanlargha béghishlaymen. Uyghurlargha erkinlik! kubagha erkinlik! hazir zulum chékiwatqan her bir insan'gha erkinlik" dégen.

Melum bolushiche, géné héréraning bu jesur herikiti twittér, féysbuk qatarliq taratqularda nurghun qollashqa érishken. Shu künki musabiqide portirikaliq reqibi abdél wélakuz bilen mushtliship, reqibini yenggen géné héréra bu musabiqini Uyghurlargha béghishlaydighanliqini bildürgen. Bu yil 31 yashliq généra amérikaning kaliforniye shtatida tughulghan bolsimu, lékin u kolombiyede chong bolghan. Uning kespiy mushtlashchiliq hayati 2011-yili bashlan'ghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet