Германийә һөкүмити хитайниң өзәк (чип) сетивелиш тәлипини рәт қилған

Германийә һөкүмити дөләт бихәтәрликини көздә тутуп, хитайниң бир ширкитиниң германийәдики өзәк ясаш завутини сетивелиш тәлипини рәт қилған.

“сиясәтчи” (Plitico) ториниң 9-ноябир хәвәр қилишичә,  германийәниң малийә минстири роберт һабек (Robert Habeck)  хитай мәбләғ салғучилириниң германийәдики өзәк завутини сетивелишиға йол қоймиған. Роберт һабек мундақ дегән: “биз явопа иттипақиға тәвә болмиған дөләтниң мәбләғ салғучилирини германийәдә сода қилиштин чәклидуқ, буниңдики сәвәб, германийәниң бихәтәрликини, шундақла һалқилиқ кәсипләрни қоғдаш”.

Хәвәрдә ейтилишичә, хитайниң бир микро електрон ширкити германийәниң өзәк ясайдиған  Elmos ширкитини 85 милйон явроға сетивалмақчи болған. Elmos  Ширкити германийәдики аптомобиллар үчүн өзәк ишләйдиған кичик ширкәт болуп, хитай уни сетивелип, өзи үчүн өзәк ишләйдиған завутқа айландурмақчи болған.

Германийә йәнә хитай мәбләғ салғучилирини баварийәгә җайлашқан ERS електрон ширкитини сетивелиштин чәклигән.

Хәвәрдә көрситилишичә, бу чәклимиләр германийә баш министири шулиз алдинқи һәптә хитайни зиярәт қилғандин кейин оттуриға чиққан болуп, шулизниң бу зияритидин аввал германийә һамбург портиниң 25 пирсәнт пейини хитайға сетип бәргәниди.