Gérmaniye hökümiti xitayning özek (chip) sétiwélish telipini ret qilghan

Gérmaniye hökümiti dölet bixeterlikini közde tutup, xitayning bir shirkitining gérmaniyediki özek yasash zawutini sétiwélish telipini ret qilghan.

“Siyasetchi” (Plitico) torining 9-noyabir xewer qilishiche,  gérmaniyening maliye minstiri robért habék (Robert Habeck)  xitay meblegh salghuchilirining gérmaniyediki özek zawutini sétiwélishigha yol qoymighan. Robért habék mundaq dégen: “Biz yawopa ittipaqigha tewe bolmighan döletning meblegh salghuchilirini gérmaniyede soda qilishtin chekliduq, buningdiki seweb, gérmaniyening bixeterlikini, shundaqla halqiliq kesiplerni qoghdash”.

Xewerde éytilishiche, xitayning bir mikro éléktron shirkiti gérmaniyening özek yasaydighan  Elmos shirkitini 85 milyon yawrogha sétiwalmaqchi bolghan. Elmos  Shirkiti gérmaniyediki aptomobillar üchün özek ishleydighan kichik shirket bolup, xitay uni sétiwélip, özi üchün özek ishleydighan zawutqa aylandurmaqchi bolghan.

Gérmaniye yene xitay meblegh salghuchilirini bawariyege jaylashqan ERS éléktron shirkitini sétiwélishtin chekligen.

Xewerde körsitilishiche, bu cheklimiler gérmaniye bash ministiri shuliz aldinqi hepte xitayni ziyaret qilghandin kéyin otturigha chiqqan bolup, shulizning bu ziyaritidin awwal gérmaniye hamburg portining 25 pirsent péyini xitaygha sétip bergenidi.