Германийә парламенти уйғур вәзийити тоғрулуқ муһакимә елип барған

Мухбиримиз җәвлан
2022-05-02
Share

Һиндистанда чиқидиған “мәтбуат” (The Print) таратқусиниң хәвәр қилишичә, германийә парламенти 30-апрел күни уйғур вәзийити тоғрулуқ муһакимә елип барған. Бу йиғин ечилишниң алдида илһам тохти институтиниң башлиқи әнвәрҗан әпәнди ахбарат елан қилиш йиғини өткүзгән.

Бу йиғинға тәтқиқатчи адриян зениз, америка хәлқара диний әркинлик комитетиниң муавин рәиси нури түркәл, язғучи александира кавелюс (Alexandra Caveilius), лагер шаһиди сайрагул савутбай қатарлиқлар қатнишип, уйғур вәзийитиниң барғансери яманлишиватқанлиқини, түрмиләрдики қийин-қистақ, диний чәклимә, мәдәнийәт йоқитиши, уйғур аяллирини туғмас қилиш қатарлиқ җинайәтләрниң еғирлишиватқанлиқини баян қилған.

Бу хәвәрдә ейтилишичә, германийә парламентиниң уйғур вәзийити һәққидә муһакимә елип бериши германийә һөкүмитиниң бу мәсилигә болған позитсийәсини өзгәртип, хитай һөкүмитигә зор бесим елип келидикән.

Буниңға мунасивәтлик хәвәр анализлириға қариғанда, германийә билән хитайниң узундин бери давамлишип кәлгән сода һәмкарлиқи түпәйлидин германийә уйғур мәсилсидә нисбәтән пассип инкас билдүрүп кәлгән болуп, германийәниң волкесваген ширкитиниң үрүмчидә қурған тармақ завути уйғур мәҗбурий әмгикигә четишлиқ дәп қарилип, әйиблинип кәлгәниди. Германийә натсист германийәси дәвридә ирқий қирғинчилиқни баштин кәчүргән бир дөләт болуш сүпити билән, бүгүн шу қисмәткә учриған уйғурлар үчүн көпрәк аваз чиқириши, хитайға бесим қилиши керәк икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт