Кишилик һоқуқни көзитиш тәшкилати германийини хитай билән өткүзидиған сөһбитиниң мәзмунлирини ашкарилашқа чақирди

Мухбиримиз ирадә
2015.05.28
Share on WhatsApp
Share on WhatsApp

Германийә билән хитай арисида һәр йили бир қетим өткүзүлүватқан “дөләтни қанун арқилиқ идарә қилиш сөһбити” башлиниш алдида турмақта. Кишилик һоқуқни көзитиш тәшкилати бу мунасивәт билән баянат елан қилип, германийә һөкүмитини сөһбәтниң мәзмунлирини очуқ елан қилишқа чақирди.

Тәшкилат баянатида, германийә вә башқа ғәрб дөләтлири хитай билән һәр йили дегүдәк “кишилик һоқуқ” вә “дөләтни қанун бойичә идарә қилиш” сөһбәт йиғинлирини өткүзүватқан болсиму, әмма буниң үнүм бәрмәйватқанлиқини, һәтта хитай һөкүмитиниң бу дөләтләргә бесим ишлитип сөһбәтниң мәзмунини ашкарилашқиму йол қоймайватқанлиқини билдүргән. Униңда мундақ дейилгән:
‏-Германийә әгәр бу қетимлиқ сөһбәттә азрақ болсиму нәтиҗигә еришимән десә, чоқум алди билән сөһбәткә хитайдики иҗтимаий тәшкилатларниң вәкиллирини тәклип қилип қатнаштуруши, сөһбәттә оттуриға қоюлған мәсилиләрни, пикир-тәклипләрни ахбаратқа бирму-бир ашкарилиши керәк. Германийә шундақла хитай һөкүмитигә вә хитай хәлқигә кишилик һоқуқ мәсилисиниң германийә дипломатийисиниң ядроси икәнликини тәкитлиши керәк.

Кишилик һоқуқни көзитиш тәшкилати баянатида, ши җинпиң һакимийәт бешиға кәлгәндин буян хитайда пуқраларниң пуқралиқ һоқуқи, кишилик һоқуқи, учур-ахбарат, пикир әркинлики вәзийитиниң һәссиләп начарлап кәткәнликини, түрмигә қамалған журналист, язғучи, өктичиләргә охшаш виҗдан мәһбуслири саниниң ешип кәткәнликини, уйғур ели вә тибәтләргә йүргүзүватқан қаттиқ қоллуқ сиясәтлириниң илгирикидинму күчлинип кәткәнликини баян қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.