Gérmaniye hökümiti xitay bilen bolghan munasiwette hushyar bolushqa chaqirildi

“Yaxu xewer tori” ning 20-öktebirdiki xewiride éytilishiche, gérmaniye tashqiy ishlar ministiri annaléna bayrbok (Annalena Baerbock) gérmaniyening xitay bilen bolghan munasiwiti heqqide söz qilip: “Biz emdi rusiye bilen bolghan alaqimizde körülgen sewenlikning xitay bilen bolghan alaqimizda qayta körülüshidin qet'iy saqlinishimiz lazim” dégen.

Xewerde éytilishiche, rusiye hökümiti ukra'inagha tajawuzchiliq urushi qozghashtin burunla bir qisim siyasiyonlar yawropaning, jümlidin gérmaniyening énérgiye bayliqida rusiyege tayinip qélishining bekmu xeterlik ikenlikini eskertken. Emma gérmaniye hökümiti bu ishlargha qulaq salmighanliqtin, rusiye-ukra'ina urushi bashlan'ghandin kéyin gérmaniye hökümiti birdinla “Énérgiye kirizisi” gha pétip qalghan. U mushu ehwallarni eskertip, gérmaniyening iqtisadiy jehette xitaygha tayinip qélishining yene bir qétim gérmaniyeni zor bir kiriziske paturup qoyushidin hushyar bolushni eskertken.

Melum bolushiche, nöwettiki shuliz (Scholz) hökümiti xitay bilen bolghan alaqida nahayiti éhtiyatchan boluwatqan bolup, gérmaniyening bu xil mewqesi téximu köp yawropa döletlirige tesir qiliwatqanliqi melum.