Гордон чаң: “ғәрб чоқум хитайни мәғлуп қилиши керәк”

Вашингтондин мухбиримиз ирадә тәйярлиди
2023.09.21

Америкадики тонулған хитай ишлири мутәхәссиси гордон чаң, “ғәрб чоқум хитайни мәғлуп қилиши керәк” дегән.

У, “хәвәр һәптилики” журнилида елан қилған обзор мақалисидә американиң сабиқ президенти никсонниң 1967-йилида қилған хитай билән йеқин мунасивәт орнитип туруп, уни хәлқара системиға бирләштүрүш һәққидики мәшһур чақириқиниң йерим әсир бойичә американиң вә ғәрбниң хитайға қаратқан сияситиниң асаси болуп кәлгәнликини, әмма бүгүнгә кәлгәндә бу көз қарашниң хата болғанлиқиниң испатланғанлиқини баян қилған.

У мақалисидә “һазирға кәлгәндә хитайниң мәғлуп болуши бизниң мәнпәәтимизгә уйғун. Бизниң башқа таллишимиз йоқ. Әгәр коммунист хитай ғәлибә қилса, бу ғәрбниң чөккәнликидин дерәк бериду” дегән.

Гордон чаң мақалисидә ранд тәтқиқат мәркизи (RAND) ниң сабиқ тәтқиқатчиси сикот һеролдниң өзигә дегән сөзини әсләп, “американиң илгири хитайға қаратқан сияситиниң хата болуши хитай компартийисиниң дүшмәнлики, рәһимсизлики вә ирадисини түптин төвән мөлчәрлигәнликтин кәп чиққан” дегән.

У мақалисиниң ахирида хитайниң америка билән болған күришини “һаят-маматлиқ күрәш” дәп қарайдиғанлиқини әскәртип, “биз бу күрәштә чоқум ғәлибә қилишимиз керәк” дәп язған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.