"Gherbiy rayon pilani"namida yene 1800 xitay stodéntning Uyghur éligha yétip kélishi diqqet qozghidi

Muxbirimiz méhriban
2015-07-31
Share


30 - Iyul peyshenbe küni "Gherbiy rayon pilani"namida yene 1800 neper xitay oqughuchining Uyghur éligha yétip kélishi, chet'ellerdiki Uyghur teshkilatliri we Uyghur weziyitini közetküchilerning diqqitini qozghidi.

Dunya Uyghur qurultiyi bayanatchisi dilshat rishit bu heqte toxtilip,"Bu 28 - iyul xitay da'iriliri bingtüenning 14diwiziyisige orunlashturghan atalmish "Gherbiy rayon'gha yardem bergüchi pida'iylar" din kéyin, bir hepte ichide 2 - türküm xitaylarning sherqiy türkistandiki ish orunlirigha orunlashturulushi. Sherqiy türkistanda ishsizliq éghirliship, nechche on ming Uyghur uniwérsitét oqughuchiliri ishsiz qélip, naraziliq küchiyiwatqanda, rayondiki azghina ish pursetlirining xitaylargha bérilishi, yerlik Uyghurlarning naraziliqini téximu kücheytip, rayon weziyitini murekkepleshtüridu" dédi.

Xitayning xewerler torining 31 - iyul jüme künidiki xewiridin melum bolushiche, 30 - iyul küni xitayning 27 ölkisidin "Gherbiy rayon pilani" boyiche kelgen 1800 neper pida'iy Uyghur aptonom rayonining her qaysi jayliridiki ish orunlirigha yürüp ketken. Xitay xewerliridin melum bolushiche, "Gherbiy rayon pilani" yolgha qoyulghandin buyan, Uyghur aptonom rayonidiki yerlikke kelgen "Pida'iylar" 11 ming 666 neper, bingtüen'ge kelgen "Pida'iylar" 6458 neperge yetken. 10 Yil ichide bularning köp qismi dawamliq ishlesh üchün Uyghur élida qélip qalghan.

Qurultay bayanatchisi dilshat rishitning bildürüshiche, "Xitay da'iriliri yéqinqi 10 yildin buyan sherqiy türkistan'gha türküm - türküm xitay köchmenlirini yötkeshni jiddiyleshtürgen. Atalmish meblegh salghuchilar, pida'iylar, paxtikarlar, téxniklar, déqanchiliq mahirliri dégen namlarda yerleshtürülgen xitay köchmenlirining sani xewerlerde ashkarilan'ghan bolsimu, emma yene bashqa namlarda türküm - türkümlep sherqiy türkistan'gha yötkep kélinip yerleshtürülüwatqan xitay köchmenliri alliqachan, Uyghurlarning ishsizliq nispitining éshishi, mal - bahasining örlishi, xitay noposi köpiyip Uyghur noposining shalanglishishidek weziyetni shekillendürüp, Uyghurlarning naraziliqi we qarshiliq heriketlirining toxtimasliqigha seweb boluwatqan asasliq amillarning biri" hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet