Ghuljida romalliq Uyghur ayal kocha aptobusigha chiqirilmighan

Muxbirimiz erkin
2013.05.03

Yéqinda Uyghur élining ghulja shehiride bala kötürüwalghan 25 yashlardiki bir romalliq Uyghur ayal kocha aptobusigha chiqirilmighan. “Uyghur biz” torining xewer qilishiche, aptobus shopuri ayalning romal artiwalghanliqini körüp, derhal aptobustin chüshüp kétishke buyrughan.

Xewerde, bu ayal Uyghur aptonom rayoni da'iriliri kiyishni chekligen perenje qatarliq atalmish “Gheyriy kiyimler” ni kiyiwalghan bolmisimu, biraq romili seweblik aptobusqa chiqirilmighan.

“Uyghurbiz” torining ilgiri sürüshiche, bu weqe bir ayrim hadise emes. Ghulja shehirining ammiwi qatnash sistémisida romal artqan, diniy pasonda kiyiniwalghan ayallarni kemsitish, aptobusqa almasliqtek bu xil omumi yüzlük mewjut hadise. “Uyghurbiz” tori bu weqening8 - yol aptobusida yüz bergenlikini bildürgen bolsimu, biraq qachan yüz bergenlikini tilgha almighan.

Xitay da'iriliri 2008 - yildin buyan ghulja shehiride diniy basturushni jiddiyleshtürüp, saqal qoyghan, hijab artqan dindar erlerni, ayallarni teqib qilishni kücheytken. Bu xil qiyapettiki bezi dindar kishilerni radikalliq bilen eyiblep qamaq jazasigha höküm qilghan.

Xitayning bu siyasiti xelq'ara kishilik hoquq organliri we Uyghur teshkilatlirining qattiq tenqidige uchrap kelgen. Amérika xelq'ara diniy erkinlik komitéti yéqinda élan qilghan doklatida, xitayning bu xil qattiq qol siyasiti Uyghurlarni radikallishishqa yétekleydighanliqini agahlandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.