Gomindangning sabiq bashliqliridin lyen jenning shi jinping bilen körüshkenliki diqqet qozghidi

Muxbirimiz méhriban
2015-09-01
Share

Xitayning junggo xewerler tori 1-séntebir küni xitay re'isi shi jinpingning yapon'gha qarshi urushning 70 yilliqini xatirilesh pa'aliyiti üchün béyjinggha kelgen teywen gomindang partiyisining sabiq re'isi lyen jen qatarliq teywen wekilliri bilen körüshkenlikini, buning muhim tarixi ehmiyetke ige ikenlikini xewer qildi. Lyen jyenning béyjing ziyariti we shi jinping bilen körüshkenliki teywendiki weziyet analizchiliri we xelq'ara tartqularning diqqitini qozghidi.

En'gliye b b s agéntliqida 1-séntebir küni "Lyen bowayning paratni körüshi we gomindang partiyisi ichidiki bölünüsh" namliq xewer analizi élan qilindi. Xewer analizida, "Ma yingju qatarliq teywen gomindang partiyisining yuqiri derijilik emeldarliri, xitay kommunist hökümitining yapon'gha qarshi urushta gomindang hökümiti we armiyisining asasiy küch ikenlikidin ibaret tarixni burmilawatqanliqini tenqid qiliwatqanda, 2005-yili gomindang partiyisining re'isi, teywenning mu'awin prézidénti wezipiliride bolghan lyen jenning xitay kompartiyisi ötküzgen yapon'gha qarshi urushning 70 yilliqini xatirilesh pa'aliyitige qatnishishi, xitay kompartiyisi hökümitining könglige yaqti. Ma yingju qatarliq gomindangning yuqiri derijilik emeldarlirini narazi qildi, gomindang partiyisi ichidiki bölünüshni ipadilidi" dégen bayanlar bérildi.

B b s agéntliqining xewer analizida yene, teywen "Féngchüen agéntliqi" ning yazari shya jénining "Gomindang partiyisining sabiq re'isi lyen jen belkim bu ziyariti arqiliq tarixta öz namini qaldurushni oylighan bolsa kérek. Emma démokratiye, erkinlik, kishilik hoquq mesililiri ikki terepning birlikke kélishidiki nuqtiliq mesililer. Eger lyen jen téximu dadilliq bilen teywenning qimmet qarishini béyjinggha bildürgen we bu qarashlarni kompartiyining qanun sistémisigha kirgüzgen bolsa, bu ziyaretning heqiqiy tarixi ehmiyiti bolghan bolatti" dégen sözliri neqil élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet