Gorbachéw - natoni rusiyege qarshi "Qiziq" urushqa hazirliq körüwatidu, dep eyiblidi

Muxbirimiz jüme
2016-07-09
Élxet
Pikir
Share
Print


Sabiq sowét ittipaqning axirqi prézidénti mixayil gorbachéw shimaliy atlantik ehdi teshkilati - natoni rusiyege qarshi "Qiziq" urushqa hazirliq körüwatidu, dep eyiblidi.

Azadliq radi'osining xewer qilishiche, uning bu sözliri i rusiyedin chiqidighan intérfaks agéntliqida 9 - iyul xewer qilin'ghan.

Xewerde neqil qilishiche gorbachéw mundaq dégen: "Nato soghuq urushni qiziq urushqa qarap tereqqiy qilduridighan hazirliqlarni bashliwetti."

Rusiye 2014 - yili qirim yérim arilini qanunsiz bésiwalghandin kéyin gherb döletliri rusiye iqtisadiy émbargo qoyghan we nato sherqiy yawropadiki herbiy mewjutluqini kücheytishke bashlighan.

Jüme küni natogha eza döletlerning aliy derijilikler rehberliri polsha paytexti warshawada uchrashqan we rusiyening sherqiy yawropa ellirige peyda qiliwatqan tehditke qandaq taqabil turush mesilisini muzakire qilghan idi.

Jüme küni nato ning bash sékrétari jens stolténbérg: "Biz soghuq munasiwetler urushi axirlashqandin buyanqi eng chong birleshme mudapi'e we tosush iqtidarimizni islah qilish we kücheytish herikiti bashliduq" dégen idi.

Gorbachéwning yuqiri sözliri nato warshawadiki yéghida sherqiy yawropagha köp miqdarni esker yötkesh qararlashturulghan mezgilge toghra keldi.

U nato rehberlirining peqet mudapi'e heqqidila sözligen bilen emeliyette ularning bir hujum herikitige teyyargerlik körüwatqanliqini bildürgen.

U, mundaq dégen: warshawadin kéliwatqan ritorik xitabi emeliyette rusiyege urush élan qilish sadasidin bashqa nerse emes."

Halbuki, nato da'iriliri sherqiy yawropadiki herbiy mewjutluqining peqet mudapi'eni kücheytishni meqset qilidighanliqi, buning hergizmu rusiye bilen toqunushni közde tutmaydighanliqini tekitlep kéliwatqan bolsimu, buni rusiye qobul qilmighan.

Toluq bet