Gu'angdungda yekshenbe küni partlighan zor kölemlik namayish toqunushqa aylandi

Muxbirimiz erkin
2014-03-31
Share

Yekshenbe küni, xitayning gu'angdung ölkisi mawming shehiride yerlik amma ximiye zawuti qurulushigha qarshi 10 ming kishilik namayish qilghan. Biraq, da'iriler saqchi we qoralliq saqchilarni chiqirip namayishchilarni basturghachqa, namayish tézla toqunushqa aylan'ghan.

Deslepki toluqsiz melumatlarda 8 adem ölgenliki, 200 nechche adem yarilan'ghanliqi xewer qilin'ghan bolsimu, saqchi terep adem ölmigenlikini élan qilghan.

Da'irilerning qoralliq saqchilarni yötkep kélip, sheherlik hökümet binasini qorshiwalghan namayishchilarni tarqitiwétishke urunushi namayishning toqunushqa aylinishini keltürüp chiqarghan.

Bir yerlik namayishchi radi'omizgha: "Saqchilar kélip kaltek bilen urghachqa toqunush partlidi. Ahale tayaq yése elwette qachidu. Saqchilar bek qattiq uruwetti" dep körsetti.

Xewerlerde, yaridarlarning nechche on'gha yétidighanliqini ilgiri sürgen.

Melum bolushiche, xitay tereqqiyat-islahat komitéti 2012‏-yili mawming shehiride arén zawuti qurushni testiqlighan. 3 Yérim milyard yüen meblegh sélinidighan bu qurulushqa mawming sheherlik hökümet bilen mawming néfit shirkiti birliship meblegh salmaqchi bolghan.

Biraq, sheher ahalisi mezkur sheherde bir qanche ximiye zawuti barliqi, yene ximiye zawuti qurush muhitni bulghap, salametlikke ziyan yetküzidighanliqini ilgiri sürüp, zawut qurulushini bikar qilishni telep qilghan.

Lékin, da'iriler puqralargha ijabiy jawab bermigechke, ular yekshenbe küni namayish qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet