Йеңи йил һарписида гуаңдуң фошәндики газ партлашта 17 адәм өлди

Мухбиримиз үмидвар
2014-12-31
Share


Гуаңдуң өлкисиниң фошән шәһиридә йеңи йил һарписида, йәни 31 - декабир күни чүштин бурун саәт 9 йеримда газ партлаш вәқәси йүз берип, аз дегәндә 17 адәм өлгән вә 33 адәм яриланған. яриланғанларниң көпинчисиниң яриси еғир икән

Америка бирләшмә агентлиқиниң хәвәр қилишичә, партлашниң дәриҗиси еғир болуп, завут тамлири вәйран болған вә әтраптики әйнәк завути қатарлиқларғиму тәсир йәткүзгән.

Бу хәвәрни шинхуа агентлиқиму ашкарилиған болуп, партлаш фошән шәһиридики фухуа қурулуш машинисазлиқ ширкитидә йүз бәргән, партлаш йүз бериш алдида завутта ток тохтап, сехларда тазилаш елип бериливатқан икән. Әнә шу вақитта газ партлаш йүз бәргән.

Шинхуа агентлиқида мәзкур вәқә һәққидә мәхсус хәвәр анализи елан қилинған болуп, қәйт қилинишичә, мәзкур завут “дуняви дәриҗилик” заманиви чоң завут дәп тәрипләнгән болуп, мәзкур партлаш паҗиәсиниң сәвәблирини ениқлап чиқиш тәвсийә қилинған. Мақалидә“мәзкур дуняви завут”ниң от апитидин мудапиә көрүш бойичә дуняви сәвийәлик мудапиә тәдбирлири болмиғанлиқи тәнқид қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт