Yéngi yil harpisida gu'angdung foshendiki gaz partlashta 17 adem öldi

Muxbirimiz ümidwar
2014-12-31
Share


Gu'angdung ölkisining foshen shehiride yéngi yil harpisida, yeni 31 - dékabir küni chüshtin burun sa'et 9 yérimda gaz partlash weqesi yüz bérip, az dégende 17 adem ölgen we 33 adem yarilan'ghan. Yarilan'ghanlarning köpinchisining yarisi éghir iken

Amérika birleshme agéntliqining xewer qilishiche, partlashning derijisi éghir bolup, zawut tamliri weyran bolghan we etraptiki eynek zawuti qatarliqlarghimu tesir yetküzgen.

Bu xewerni shinxu'a agéntliqimu ashkarilighan bolup, partlash foshen shehiridiki fuxu'a qurulush mashinisazliq shirkitide yüz bergen, partlash yüz bérish aldida zawutta tok toxtap, séxlarda tazilash élip bériliwatqan iken. Ene shu waqitta gaz partlash yüz bergen.

Shinxu'a agéntliqida mezkur weqe heqqide mexsus xewer analizi élan qilin'ghan bolup, qeyt qilinishiche, mezkur zawut "Dunyawi derijilik" zamaniwi chong zawut dep teriplen'gen bolup, mezkur partlash paji'esining seweblirini éniqlap chiqish tewsiye qilin'ghan. Maqalide"Mezkur dunyawi zawut"ning ot apitidin mudapi'e körüsh boyiche dunyawi sewiyelik mudapi'e tedbirliri bolmighanliqi tenqid qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet