Gu'entanamodiki 5 adem qazaqistan'gha ewetildi

Muxbirimiz ümidwar
2014.12.31


Gu'entanamo türmiside tutup turuluwatqan besh adem qazaqistan teripidin qobul qilinip, seyshenbe küni qazaqistan'gha ewetilgen.

Amérika awazining xewer qilishiche, mezkur besh ademning üch nepiri yemenlik, ikki nepiri tunisliq bolup, ularning gu'entanamogha solan'ghan waqti 11 yildin éship ketken, amérika terep bularni qoyup bérishke bolidighanliqini qarar qilghan idi.

Xewerlerdin melum bolushiche, amérika prézidénti barak obama gu'entanano türmisini taqashni qolgha keltüridighanliqini bildürgen bolup, 2014 - yili, bu yerdiki 28 adem bashqa döletlerge ewetilgen. Hazir u yerde 127 adem bar bolup, ularning 59 nepirining qoyup bérishke bolidighanliqi békitilgen iken.

Ottura asiyadiki türkiy tilliq jumhuriyet, xitay xelq jumhuriyitining istratégiyilik shériki qazaqistanning gu'entanamo türmisidiki 5 mehbusni qobul qilishi qiziqish qozghidi.

Ilgiri gu'entanamodiki Uyghur tutqunlarni qoyup bérish qarar qilin'ghanda, uzun mezgil ularni qobul qilidighan dölet izdesh jeryani bésip ötülgen bolup, ularning hemmisi ilgiri - kéyin albaniye, palaw, shwétsariye we bashqa döletlerge orunlashturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.