Xitay hökümiti sabiq tutqun gülnar obulni öz teshwiqati üchün sözletken

Muxbirimiz jewlan
2021-02-03
Share

Amérika hökümiti xitayning Uyghurlargha yürgüzüp kéliwatqan qebih jinayetlirini "Irqiy qirghinchiliq" we "Insaniyetke qarshi jinayet" dep békitkendin kéyin, xitay hökümiti buninggha qarshi teshwiqat urushi qozghidi.

3-Féwral xitayning "Xelq géziti" torida xitay tashqiy ishlar ministirliqining Uyghurlar mesilisi toghruluq ötküzgen muxbirlarni kütiwélish yighinining tepsiliy mezmuni élan qilin'ghan. Uningda melum bolushiche, xitay yene bir nechche Uyghurni yalghan sözlitip özini aqlighan, heq-naheqni astin-üstün qilip xelq'ara jem'iyetning közini boyimaqchi bolghan. Sözligüchiler ichide qeshqer uniwérsitétining proféssori gulnar obulmu bar bolup, erkin asiya radiyosi Uyghurche bölümining 2018-yil 9-ayning 7-künidiki éniqlishi dawamida uning tutqun qilin'ghanliqi delillen'genidi. Bu xewer chiqqandin kéyin xitay da'iriliri gulnar obulni qoyup bergen, hetta uninggha mensep bérip öz teshwiqati üchün paydillinip kelgen. 2019-Yil 14-féwral küni gulnar obulning bir bayanati "Tengritagh tori" da élan qilin'ghan. Bu bayanattimu gulnar obul "Bölgünchilik, diniy esebiylik we térrorluq idiyesi" ni tarqitishqa urun'ghan diniy zatlar we ziyaliylarni qattiq eyibligen.

Bu qétimqi bayanatida gulnar obul özining tutqun qilin'ghanliqini inkar qilish bilenla qalmay, "Men dunya Uyghur qurultiyi qatarliq 'üch xil küch' lerni qattiq agahlandurimen, ularning méning namim we süritimdin paydilinip dunyani aldimisun, manga, a'ilemge we dölitimge ziyankeshlik qilmisun؛ bolmisa men qanuniy wasitilerdin paydilinip, özümning abruyi we döletning hörmitini qoghdaymen," dep bayanat bergen.

Analizchilarning qarishiche, Uyghurlar mesilisi her qétim xelq'arada küchlük bir dolqun peyda qilghanda xitay hökümiti Uyghur serxilliridin beziliri qoyup bérip, ularni bayanat élan qilishqa qistap kelgen. Amérikaning bu qétimqi "Irqiy qirghinchiliq" bayanatidin kéyin, xitay hökümiti Uyghur rayonining her qaysi jaylirida amérika hökümiti we mayk pampéyoni tillash herikiti qozghapla qalmay, chet el muxbirlirini chaqirip, bir nechche teshwiqat qurbanlirini ishqa sélip, kona teshwiqat oyunlirini oynashqa bashlighan. Közetküchilerning ilgiri sürüshiche, buningdin xitayning özlirige békitilgen jinayettin neqeder ghezeblen'genliki we xelq'arada sésiq namining tarqilip kétishidin neqeder qorqqanliqini körüwalghili bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet