Lagérda yétip chiqqan qeshqer uniwérsitétining sabiq oqutquchisi gülnar obul b d t da xitayning siyasitini aqlighan

Muxbirimiz erkin
2021-06-25
Share

Lagérda yétip chiqqan qeshqer uniwérsitétining sabiq oqutquchisi gülnar obul 22-iyun b d t kishilik hoquq kéngishining 47-nöwetlik yighinida xitay hökümitige wakaleten söz qilip, xitayning Uyghur élidiki siyasitini aqlighan.

Xitay taratqulirining éytishiche, u "Herqandaq chet el küchlirining shinjangning muqim we ittipaqliq chong weziyitini buzalmaydighanliqi" ni bildürgen. Gülnar obul bu sözlerni qilishning aldida b d t kishilik hoquq ali komissari mishél bachilét xitayni "Shnjangdiki éghir kishilik hoquq depsendichilikige a'it xewerlerni heqiqiy rewishte tekshürüshke yol qoyush" qa chaqirghan idi.

Shuning bilen bir waqitta yene kanada bashchiliqidiki 44 dölet b d t kishilik hoquq ‍aliy komissarining tekshürüsh élip bérishigha yol qoyushini telep qilghan idi. Yighinda gülnar obul xitayning Uyghur éli weziyitige da'ir qéliplashqan chaqiriqlirini qayta tekitlep: "Shinjangning ijtima'iy-iqtisadiy we kishilik hoquq tereqqiyati zor netijilerge érishkenliki" ni bildürgen.

U yene: "Hazirqi weziyetning muqim ikenliki, yéqinqi 4 yildin buyan rayonda héchqandaq térorliq weqesi yüz bermigenliki", "Iqtisadning yuqiri süpetlik tereqqiyati ishqa ashqanliqi, unéwérsal iqtisadiy küchining yéngi bir pellige kötürilgenliki" ni ilgiri sürgen.

Biraq u bu "Tereqqiyat" ning qandaq bedellerge kelgenlikini tilgha ‍almighan. Radiyomiz ilgiri gülnar obulning 2018-yili qeshqer uniwérsitétida oqutquchiliq qiliwatqan waqtida tutqun qilinip, lagérgha qamalghanliqini delilligen. U kéyinrek qoyup bérilgendin kéyin ‍özining lagérda yatqanliqini ‍inkar qilghan shundaqla ‍ötken yili Uyghur aptonom rayonliq pen-téxnika jemiyitining mu'awin re'isilikige yötkep kélin'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet