Gülshen abbasning a'ilisidikiler mayk pompéyoning mektupini tapshuruwaldi

Muxbirimiz eziz
2021.01.20

Amérika hökümiti Uyghur jem'iyiti duch kéliwatqan ijtima'iy paji'eni “Irqiy qirghinchiliq” dep élan qilghanda ene shu paji'elerning milyonlighan qurbanlirining biri bolghan hemde 20 yilliq qamaq jazasigha höküm qilin'ghan doxtur gülshen abbasning amérikadiki perzenti ziba murat amérika tashqi ishlar ministiri mayk pompéyoning 20-yanwar küni wezipisidin ayrilish aldidiki xususiy mektupini tapshuruwalghan.

Melum bolushiche, bu mektup ziba muratning buningdin birnechche hepte ilgiri yazghan xétige qayturulghan jawab iken. Mektupning toluq tékisti tiwéttir bétide élan qilin'ghandin kéyin köp qétimlap hembehirlen'gen.

Mayak pompyo bu mektupta özining gülshen abbasqa, shuningdek uning bilen birge lagérlargha qamilip ketken milyonlighan Uyghurlargha hésdashliq qilidighanliqini, shuningdek dawamliq halda xitay hökümitidin ularning izdek-soriqini qilip turidighanliqini, amérika hökümitining xitay emeldarlirigha jaza bérish, Uyghur musapirlirini xitaygha qayturulushtin tosup qélish qatarliq sahelerde boshashmastin küch chiqiridighanliqini bildürgen. U yene ziba murat we uninggha oxshighan köpligen shexslerning kökrek kérip aldigha chiqish hemde zulumni anglitishqa jür'et qilishtek rohigha apirin oqughan.

Gülshen abbasning perzentliri we uruq-tughqanliri özlirining bu mektuptin bekmu xursen bolghanliqini bildürgen. Shuningdek yéngi amérika hökümitining Uyghurlar mesiliside dawamliq heqiqetni yaqlishini ümid qilidighanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.