Xitay metbu'atliri gumidiki weqede gherb metbu'atlirining "Wijdansizliq" qilghanliqini ilgiri sürdi

Muxbirimiz irade
2017-02-16
Élxet
Pikir
Share
Print

Xitaydiki yer shari waqti géziti 17-féwral küni tarqatqan in'glizche xewiride, gherb metbu'atlirini" Gumidiki térrorluq hujumini qoghdidi" dep eyiblidi.

Xitay hökümitining awazi hésablinidighan yer shari waqti géziti gherb metbu'atlirining gumidiki weqe heqqidiki xewerliride dunya Uyghur qurultiyining inkasini asas qilghanliqini qattiq tenqid qilip, ularni wijdansizliq we térrorluqqa ikki xil ölchem qoydi dep eyibligen.

Xitay axbarat wasitiliri 14-féwral küni gumida pichaqliq 3 kishining térrorluq hujumi qozghap 5 kishini öltürgenlikini, 3 hujumchining neq meydanda saqchilar teripidin étip tashlan'ghanliqini xewer qilghan. Biraq weqening tepsilati, hujumchi we ölgüchilerning kimliki, weqening chiqish sewebi heqqide héchqandaq uchur bermigen idi. Dunya Uyghur qurultiyi shu künki bayanatida, xitay hökümitining weqe heqqide bashqa héchqandaq tepsilatni élan qilmighanliqini eskertish bilen birge, rayondiki éghir bésimning bir qisim kishilerni mushundaq radikal yollarni tallashqa qistawatqanliqini éytqan. Xitay hökümiti bu sözge narazi bolup, gherb axbaratlirining bu mesilidiki pozitsiyisini tenqid qilghan.

Biraq, dunya Uyghur qurultiyi bayanatchisi dilshat rishit bügün buninggha inkas qayturup, aldi bilen xitay hökümitini gherbtiki axbarat -uchur erkinlikige hörmet qilishqa chaqirdi. Shundaqla eger heqiqeten bu özliri dégendek térrorluq hujumi bolsa, ashu gherb metbu'atlirining muxbirlirini qorqmay, dadil halda gumigha teklip qilip, weqeni tekshürüshige yol qoyushqa ündidi.

Toluq bet