Uyghur aptonom rayoni bilen ningshya tunggan aptonom rayonining musulmanche yémekliklerge qoyghan oxshimighan belgilimisi diqqet qozghimaqta

Muxbirimiz qutlan
2014.12.22
Share on WhatsApp
Share on WhatsApp


Yéqinda xoten wilayetlik partkom bésip tarqatqan bir qollanmida musulmanlarning yoqiri awazda “Amin” dep du'a qilmasliqi hemde “Hemme nersige halal yaki haram dep cheklime” qoymasliqi belgilen'gen.

Wilayet nopusining 98 % pirsentini islam dinigha étiqad qilidighan yerlik Uyghur ahalisi teshkil qilidighan xoten rayonida musulmanlarning diniy eqidilirige dexil - terüz qilidighan bu xil cheklime jiddiy inkas qozghimaqta.

Wahalenki, ningshya tunggan aptonom rayonining yéqinda musulmanche “Halal” yémekliklerni import we ékisport qilishta chiqarghan bir belgilimisi Uyghur aptonom rayoni bilen roshen sélishturma hasil qilmaqta.

Sina torining bügünki xewirige qarighanda, ningshya tunggan aptonom rayonluq hökümet kéler yili 1 - ayning 1 - künidin étibaren musulmanche yémekliklerni import we ékisport qilishni nazaret qilish belgilimisi chiqarghan. Uningda ningshyadin import we ékisport qilinidighan musulmanche yémekliklerge choqum “Ningshya musulmanche yémeklik ispat belgisi” (<HALAL>) chaplinishi kérek dep belgilen'gen.

Uningda yene, ningshyaning xitaydiki birdin - bir musulmanche yémeklik ispat merkizi ikenliki, ningshya chégrasi ichide musulmanche yémeklik ishleydighan herqandaq shirket we karxanilarning bu pirinsipqa emel qilishi shert ikenliki alahide eskertilgen.

Közetküchiler, bu ehwal xitay da'irilirining Uyghurlar bilen tungganlargha perqliq mu'amile qiliwatqanliqining yene bir janliq ispati dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet