“Halal” belgilirining béyjingda soyup tashlinishi küchlük ghulghula qozghidi

Buningdin birnechche yil ilgiri Uyghur diyarida qet'iy izchillashturulghan “Halal” belgilirini yoqitish herikiti hazir béyjing shehiride ijra bolushqa bashlighan.

Roytérs agéntliqining 31-iyuldiki xewiride éytilishiche, ularning muxbirliri béyjingdiki musulmanlar rayoni bolghan nyujé kochisi we uninggha qoshna jaylardiki köpligen réstoran we dukanlargha ésilghan erebche “Halal” dégen xetlerning soyuwétilgenliki yaki aq qeghez bilen körünmes qilip qaplap qoyulghanliqini körgen. Dukan xojayinliri bolsa buning yuqiridin kelgen buyruq ikenlikini, buning “Islam dinini xitaychilashturush” ning birqismi ikenlikini bildürgen. Washin'gton uniwérsitétining léktori derrén baylér bu heqte pikir qilip “Bu xitay hökümitining chet'elche éléméntlarni kontrol qilish qiyin, dep qarighanliqining bir ispati,” dégen.

“Ottura sherq közi” gézitining obzorchisi, islam wehimisige qarshi awstraliyelik pa'aliyetchi s. J. Wérlémen bu heqte torlargha uchur yollap “Xitay hökümitining atalmish esebiylikke qarshi turush herikitini medhiyeligen 11 musulman döliti xitay hökümitining erebche ‛halal‚ dégen xetni men'i qilishidin nomus hés qiliwatqanmidu?” dégen.