Уйғур районидики һаллиқ сәвийәгә йәткән 11 шәһәр арисида уйғурлар топлишип олтурақлашқини йоқ

Мухбиримиз шөһрәт һошур
2017-09-06
Елхәт
Пикир
Share
Принт

Хитай даирилири йеқинда хитайниң «2016-йиллиқ шәһәр иқтисадий көрсәткүчи» намлиқ бир доклат елан қилинған.

Доклатта рәқәмлик көрсәткүчләргә асасән, һаллиқ сәвийәгә йәткән алдинқи қатардики өлкә дәриҗилик, вилайәт дәриҗилик вә наһийә дәриҗилик шәһәрләр баһалап чиқилған.

Өлкә вә вилайәт дәриҗилик алдинқи 10 шәһәрниң ичигә уйғур районидин бирму шәһәр кирәлмигән.

Наһийә дәриҗилик алдинқи қатардики 100 шәһәрниң ичигә уйғур районидин 11 шәһәр киргән; бу шәһәрләр, корла, вуҗячүй, шихәнзә, арал, тумшуқ, фукаң, санҗи, қумул, күйтүн қатарлиқлар болуп, буниң ичидә уйғурлар топлишип олтурақлашқан шәһәрләрдин бирәрсиму орун алалмиған. Бу шәһәрләрниң һәммисидә асаслиқи хитай аһалиси көп санлиқни игилигән.

Хитай даирилири уйғур вәзийити һәққидә хәлқара җәмийәткә тарқатқан мәлуматлирида уйғур райониниң асаси әслиһә қурулушидики йеқинқи 20 йиллиқ тәрәққиятини көз-көз қилип кәлгән иди. Әмма, муһаҗирәттики уйғур тәшкилатлири, бу тәрәққиятлардин райондики йәрлик хәлқ болған уйғурларға һечқандақ нәп тәгмигәнлики, әксичә өй-макан вә иш-оқәтлиридин айрилишқа сәвәб болғанлиқини, бу тәрәққиятлардин асаслиқи, райондики хитай көчмәнлириниң бәһрилинип келиватқанлиқини илгири сүрүп кәлгән. Йәнә бәзи көзәткүчиләр болса адаләтсизликниң үстигә қурулған бу тәрәққиятларни сағлам тәрәққият дейишкә болмайдиғанлиқини тәкитләшкән иди.

Хитайниң шәһәр һаллиқ сәвийә көрсәткүчи һәққидики мәзкур доклати, өткән айниң 21-күни хитайниң теңшүн торида хәвәр қилинған.

Пикирләр (0)
Share
Толуқ бәт