Uyghur rayonidiki halliq sewiyege yetken 11 sheher arisida Uyghurlar topliship olturaqlashqini yoq

Muxbirimiz shöhret hoshur
2017-09-06
Élxet
Pikir
Share
Print

Xitay da'iriliri yéqinda xitayning "2016-Yilliq sheher iqtisadiy körsetküchi" namliq bir doklat élan qilin'ghan.

Doklatta reqemlik körsetküchlerge asasen, halliq sewiyege yetken aldinqi qatardiki ölke derijilik, wilayet derijilik we nahiye derijilik sheherler bahalap chiqilghan.

Ölke we wilayet derijilik aldinqi 10 sheherning ichige Uyghur rayonidin birmu sheher kirelmigen.

Nahiye derijilik aldinqi qatardiki 100 sheherning ichige Uyghur rayonidin 11 sheher kirgen؛ bu sheherler, korla, wujyachüy, shixenze, aral, tumshuq, fukang, sanji, qumul, küytün qatarliqlar bolup, buning ichide Uyghurlar topliship olturaqlashqan sheherlerdin birersimu orun alalmighan. Bu sheherlerning hemmiside asasliqi xitay ahalisi köp sanliqni igiligen.

Xitay da'iriliri Uyghur weziyiti heqqide xelq'ara jem'iyetke tarqatqan melumatlirida Uyghur rayonining asasi eslihe qurulushidiki yéqinqi 20 yilliq tereqqiyatini köz-köz qilip kelgen idi. Emma, muhajirettiki Uyghur teshkilatliri, bu tereqqiyatlardin rayondiki yerlik xelq bolghan Uyghurlargha héchqandaq nep tegmigenliki, eksiche öy-makan we ish-oqetliridin ayrilishqa seweb bolghanliqini, bu tereqqiyatlardin asasliqi, rayondiki xitay köchmenlirining behrilinip kéliwatqanliqini ilgiri sürüp kelgen. Yene bezi közetküchiler bolsa adaletsizlikning üstige qurulghan bu tereqqiyatlarni saghlam tereqqiyat déyishke bolmaydighanliqini tekitleshken idi.

Xitayning sheher halliq sewiye körsetküchi heqqidiki mezkur doklati, ötken ayning 21-küni xitayning téngshün torida xewer qilin'ghan.

Toluq bet