Xoten sheherlik da'iriler 1-féwraldin étibaren herqandaq shekildiki hasharni bikar qilidighanliqini qarar qilghan

Muxbirimiz qutlan
2017-02-04
Share


Igilinishiche, xoten sheherlik da'iriler mexsus qarar élan qilip, bu yil 1-féwraldin étibaren herqandaq shekildiki heqsiz emgekni emeldin qalduridighanliqini bildürgen.

Xoten sheherlik hökümet torigha chaplan'ghan bu qararda buningdin kéyin xoten shehiri miqyasidiki barliq yéza-bazar we kentlerdiki hashar xaraktérini alghan heqsiz emgeklerning birdek bikar qilinidighanliqi qeyt qilin'ghan.

Mezkur qararda mundaq déyilgen: "Ijtima'iy muqimliq we ebediy eminliktin ibaret bash nishanni zich chöridep, déhqanlar ammisining yükini menbesidin yenggilitish, asasiy qatlamlardiki ziddiyetlerni peseytish we yéza-kent kadirlirining istilini yaxshilash üchün sheherlik partkom we xelq hökümiti bügündin bashlap, sheher miqyasida herqandaq shekildiki heqsiz emgekni emeldin qaldurushni qarar qildi."

Mezkur qararda yene xotendiki her derijilik partiye teshkilatlirining sékritarliri bu qararni ijra qilishtiki birinchi mes'ul kishi, dep békitilgen.

Melumki, xoten wilayiti Uyghur aptonom rayoni boyiche yerlik Uyghur déhqanlirining zimmisidiki hashar séliqi eng éghir rayon bolup, bundaq heqsiz emgekning waqti hetta birqanche ayghiche sozulidiken.

Közetküchiler, xitayning héchqandaq ölke we aptonom rayonlirida mewjut bolmighan hashar emgikining peqetla Uyghur diyarining jenubidiki wilayetlerde yillarche dawamliship kelgenlikini, nöwette asasiy qatlamdiki qarshiliq heriketlirining yerlik da'irilerni bu qararni élishqa mejbur qilghanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet