Jenubiy xitay awi'atsiye shirkiti qeshqer bilen ichkiri xitayning hawa yolini téximu zich baghlimaqchi iken

Muxbirimiz jewlan
2023.03.17

Xitayche “Tengritagh” tori we “Shinjang géziti” ning 17-mart küni chiqarghan xewirige qarighanda, jenubiy xitay awi'atsiye shirkiti her küni qeshqer bilen ichkiri xitaydiki 25 sheher ariliqida uchidighan ayropilanlarni köpeytmekchi iken. Buning ichide, hawa yoli qeshqerge biwasite tutishidighan béyjing, shangxey, gu'angju, chéngdu qatarliq chong sheherler 16 ge yetken. Qeshqer ayrodromi Uyghur rayoni boyiche eng aldirash ayrodromgha aylan'ghan.

Melumatlargha asaslan'ghanda, xitay hökümiti 2004-yildin buyan qeshqer shehirini chéqip özgertip, xitay sayahetchilirini jelp qilidighan “Zamaniwi sheher” ge özgertishni hazirghiche dawam qilip kelgen.

Jenubiy xitay awi'atsiye shirkiti “Shinjanggha yardemge kélidighanlar, soda-tijaret we sayahet üchün kélidighanlarning éship bériwatqan éhtiyajini qamdash” üchün her küni qatnaydighan ayropilan qétim sanini 30 gha yetküzüshni pilanlighan.

Xitayning ilgiriki teshwiqatlirida tilgha élin'ghan “Hawadiki yipek yoli” bu xewerde “Hawadiki rawan yol” yeni “Qeshqer bilen ichkiri xitay otturisidiki siyasiy, iqtisadiy, medeniy alaqe we sayahetchilikni berpa qilish yoli” dep élin'ghan. Yawropa Uyghur akadémiyesining re'isi abdushükür abduréshit bu heqte radiyomizgha bergen jawabida, xitayning bu zor kölemlik hawa yoli, tömür yol we tashyol tori arqiliq bu rayondiki bayliqlarni talan-taraj qilishni we xitay nopusini yötkeshni, yene bir yaqtin Uyghur rayonidiki tijaretlirini ottura asiya bilen yawropagha kéngeytishni nishan qilghanliqini éytqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.