Ürümchi-mongghulküre hawa yoli échildi

Muxbirimiz eziz
2022.04.19

Xitay hökümiti ötken birnechche yilda ‍uyghur diyaridiki nahiye derijilik köpligen orunlarda ayrodrom quruwatqan bolup, shular qatarida mongghulküre nahiyesige sélin'ghan “Tulpar ayrodromi” yéqinda ishqa kirishtürülgen. Xitay bashqurushidiki shinxu'a agéntliqi bolsa bu heqte mexsus xewer bérip, “Shinjangdiki tunji égizlik ayrodromi ishqa kirishti. Ürümchi-mongghulküre hawa yolida 22-apréldin bashlap resmiy ayropilan qatnaydu” dégen.

Xewerde éytilishiche, nöwette bu hawa yolida heptisige üch qétim ayropilan qatnaydighan bolup, pütün musape bir yérim sa'ette tamamlinidiken. Buning bilen mongghulkürege bérish üchün ghulja shehiridin aylinip ötüshtek ehwalgha xatime bérishke bolidiken.

Xewerde gerche bu hawa yolining échilishi mongghulküre nahiyesining sayahetchilikini güllendürüshte zor ehmiyetke ige ikenliki heqqide tepsiliy bayanlar bérilgen bolsimu, musteqil közetküchiler buning sayahetchilikni emes, eksiche xitay hökümitining siyasiy we herbiy éhtiyaji üchün qurulghanliqini algha sürüp kéliwatqanliqi melum. Bolupmu xitay hökümitining “Bir belwagh bir yol qurulushi” arqiliq gherbke kéngiyishi heqqide köpligen pikirler otturigha chiqiwatqanda beziler bu xildiki nahiyelerde ayrodrom qurushning puqrawiy éhtiyajni emes, eksiche siyasiy éhtiyajni közlewatqanliqini tekitlep kelmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.