Айдин әнвәр: “хитай немә үчүн уйғурларни һәҗдин тосиду?”

Мухбиримиз әзиз
2017.08.29

Дуня мусулманлиридин шараити яр бәргәнлири ислам динидики бәш пәрһизниң бири болған һәҗ тавап ишлириға атлиниватқан бир пәйттә, уйғурлар дияридики мусулманларниң мәзкур паалийити давамлиқ хитай һөкүмитиниң түрлүк тосқунлуқлириға дуч келиватқанлиқи мәлум.

Бүгүн америкидики уйғур алий мәктәп оқуғучиси айдин әнвәр дуняға анчә билинмигән мана мушу әһвални қәләмгә елип өз қарашлирини оқурмәнләр билән ортақлашти.

“түркийә радийо-телевизийә дуняси” агентлиқиниң тор бетидә инглизчә елан қилинған мақалидә, айдин әнвәр уйғурлар һәққидә омумйүзлүк мәлумат бәргәндин кейин, уйғурлар дуч келиватқан диний етиқад саһәсидики түрлүк бесимлар, һәҗ қилиштики қаттиқ сиясий чәклимиләр, җүмлидин уйғурлар дияридики паспорт йиғивелиш әһвали һәққидә учур бериду. У бу һәқтики сәвәбләр һәққидә тохтилип “хитай һөкүмити уйғурларниң миллий кимликидә динниң нәқәдәр муһим орун тутидиғанлиқини билгәчкә, уйғурларниң диний етиқадини йоқ қилиш арқилиқ уйғурларни йоқ қилиш, шу арқилиқ байлиққа толған бу кәң земинни тәнһа игиливелишниң койиға чүшкән” дәйду.

У мақалисидә сабиқ сиясий мәһбус адилниң кәчүрмишлиридин мисаллар кәлтүрүш арқилиқ, динға четилип қалған уйғур сиясий мәһбусларниң қайси йосундики қийнақларға дуч келидиғанлиқини, әмма бу ишларниң уйғурлар дияри һәққидә дуняға мәлум болған әһвалларниң кичиккинә бир қисми икәнликини алаһидә тәкитлигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.