Америка разведка айропиланлири хитайниң һәрбий һәрикитини көзитидикән

Мухбиримиз җүмә
2013.07.31

Филиппин даирилириниң чаршәнбә күни ашкарилишичә, америка разведка айропиланлири талаш-тартиштики деңиз тәвәликидә хитай һәрбий парахотлириниң һәрикитини көзитип, филиппинни муһим учурлар билән тәминләйдикән.

Филиппин ташқи ишлар баш катипни алберт росариониң билдүрүшичә, америка деңиз армийисиниң “3-P орион” намлиқ тәкшүргүчи айропилани филиппин билән хитай талишип келиватқан деңиз тәвәликидә хитай һәрбий парахотлириға аит учурларни топлайдикән.

Америка разведка айропилани тәминлигән учурларниң муһимлиқи һәққидә тохталған росарио: әлвәттә бу учурлар бәк муһим әһмийәткә игә. Биз пәқәт бизгила тәвә бу территорийиләрдә немә һәрикәтләр болуватқанлиқини билип турушимиз керәк, деди.

Хитай пүтүн җәнубий хитай деңизиниң пүтүнләй дегүдәк өзигә тәвә икәнликини илгири сүрүп, мәзкур деңиз билән чегрилинидиған филиппин, малайшия, вийетнам қатарлиқ дөләтләрни биарам қилған.

Филиппин қатарлиқ дөләтләр америкидин ярдәм тәләп қилған иди.

Америка бүгүн филиппинға берилидиған һәрбий ярдәм салмиқини йәнә ашуридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.