Shinjang herbiy rayoni qomandani wezipisidin élip tashlandi

Xitay armiyisining Uyghur élida turushluq qisimliri qomandani général péng yung wezipisidin élip tashlinip, uning ornigha général lyu léy wezipige teyinlendi.

28-Öktebir tyen'eméndiki weqe bolup 5 kündin kéyin, shinjang herbiy rayonining qomandani général péng yung Uyghur aptonom rayonluq partkomning da'imiy hey'et ezasi we ezasiliq salahiyitidin qaldurulghan idi. Arqidin yene, général péng yungning shinjang herbiy rayonining qomdandanliq wezipisidin élip tashlan'ghanliqi resmiy élan qilindi.

Ping yungning wezipisidin élip tashlinishigha éniq seweb körsitilmigen bolsimu, emma uning 28-öktebir tyen'enménde yüz bergen weqege baghlinishliq ikenliki perez qilinmaqta.

Firansiye agéntliqi bu heqtiki xewiride, 28-öktebirdiki osman hesen bashliq bir a'ile Uyghur teripidin élip bérilghan weqening xitay hökümitining bixeterlik apparatlirini qattiq nomusta qoyghanliqini eskertip, xitay merkizi hökümitining weqe seweblik péng yungni jazalap, uni wezipisidin élip tashlighanliqini bildürgen.