Herbiydin chékin'gen eskerlerning erz qilip béyjinggha bérishi cheklendi
2016.11.01
Xitaydiki ammiwi teshkilat “Puqralar hoquqi közitish ishxanisi” ning 1-noyabir xewer qilishiche, pütün xitay dölitidiki herbiy septin chékindürülgen kona eskerlerning qaytidin béyjinggha kélip erz qilish dolqunining aldini élish üchün, jaylarda qattiq bixeterlik tedbirliri élinip, herbiy septin chékin'gen eskerlerge qaritilghan nazaret kücheytilgen.
Xewerde déyilishiche, kona eskerler arisida ashkarilan'ghan jaylarda muqimliqni saqlash heqqidiki jiddiy uqturushta, ilgiri wiyétnam urushigha qatnashqan kona eskerler, atom siniqi qurulushigha qatnashqan eskerler, herbiy xizmet ötesh jeryanida yarilan'ghan mejruh eskerler, qoshunni qisqartish éhtiyaji bilen herbiy sahediki memuriy organlardin qisqartilghan xizmetchiler, herbiy septin mejburiy chékindürülgen eskerler, herbiy qomandanlar qatarliq 7 xil sewebtin herbiy septin chékin'gen eskerlerning 10-ayning 29-künidin 11-ayning 7-künigiche kolléktip halda béyjing shehirige kélip erz qilishining aldini élish tekitlen'gen.
Köp körülgen xewerler
RFA
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Mutexessisler:“Xitaygha xushxewer bolghan ishlar Uyghurlar üchün shum xewerdur”
- Xitaygha qayturulghan Uyghurlarni “Yoqlash” qa mangghan tayland wekiller ömiki agahlanduruldi
- “Shinjang wekilliri” “Dölet ortaq til-yéziqi qanuni” gha özgertish kirgüzmekchi
- Közetküchiler: “Xitayning Uyghur élidiki islahat pilani Uyghurlarni emes, belki xitayning özini bay qilidu”