Америкидики Hess нефит ширкити уйғур ели нефитликигә кирди

Мухбиримиз җүмә
2013.07.24

Баш штаби америкидики һесс (HESS) нефит ширкити уйғур ели нефитликигә мәбләғ салмақчи. “вал стрит журнал гезити” ниң хәвәр қилишичә, һесс ширкити хитайниң дөләтлик нефит гуруһи билән бу тоғрисида келишим һасил қилған.

Хәвәрдә һесс ширкити тәңритеғиниң җәнубидики нефит бәлвеғиға мәбләғ салидиғанлиқи илгири сүрүлгән болсиму, әмма мәбләғ селиш көлими, тури, мәбләғ соммиси вә шәртлири һәққидә тәпсилий учурлар берилмигән.

Хитай дөләтлик нефит гуруһиниң хәвәр қилишичә, улар мәзкур ширкәт билән өткән йилидин башлап келишим һәққидә сөһбәт өткүзүшкә башлиған. Бу бир чәтәл ширкитиниң уйғур ели нефит саһәсигә тунҗи қетим кириши әмәс.

Мәлуматларға қариғанда, хитай дөләтлик тәрәққият вә ислаһат комитети хитай дөләтлик нефит гуруһиниң намәлум бир чәтәл нефит ширкити билән тәңритеғиниң җәнубидики нефит бәлвеғида сланетс тешидин нефит елиш қурулуши башлаш пиланини тәстиқлиған.

2012-Йили хитайниң йәнә бир дөләт игилидики нефит ширкити: җуңго нефит вә тәбиий газ һәссидарлиқ ширкитиму тарим ойманлиқидики нефитликләргә чәтәл мәблиғи тәклип қилидиғанлиқини билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.