Amérikidiki Hess néfit shirkiti Uyghur éli néfitlikige kirdi

Bash shtabi amérikidiki héss (HESS) néfit shirkiti Uyghur éli néfitlikige meblegh salmaqchi. “Wal strit zhurnal géziti” ning xewer qilishiche, héss shirkiti xitayning döletlik néfit guruhi bilen bu toghrisida kélishim hasil qilghan.

Xewerde héss shirkiti tengritéghining jenubidiki néfit belwéghigha meblegh salidighanliqi ilgiri sürülgen bolsimu, emma meblegh sélish kölimi, turi, meblegh sommisi we shertliri heqqide tepsiliy uchurlar bérilmigen.

Xitay döletlik néfit guruhining xewer qilishiche, ular mezkur shirket bilen ötken yilidin bashlap kélishim heqqide söhbet ötküzüshke bashlighan. Bu bir chet'el shirkitining Uyghur éli néfit sahesige tunji qétim kirishi emes.

Melumatlargha qarighanda, xitay döletlik tereqqiyat we islahat komitéti xitay döletlik néfit guruhining namelum bir chet'el néfit shirkiti bilen tengritéghining jenubidiki néfit belwéghida slanéts téshidin néfit élish qurulushi bashlash pilanini testiqlighan.

2012-Yili xitayning yene bir dölet igilidiki néfit shirkiti: junggo néfit we tebi'iy gaz hessidarliq shirkitimu tarim oymanliqidiki néfitliklerge chet'el meblighi teklip qilidighanliqini bildürgen idi.