Фирансийә алий мәмури соти мусулманларниң һиҗаплиқ суға чөмүлүшини чәкләш қарарини бикар қилди

Мухбиримиз әркин
2016-08-26
Елхәт
Пикир
Share
Принт

Фирансийә алий мәмури соти җүмә күни фирансийәниң бәзи шәһәрләрдә йолға қоюлған мусулманларниң һиҗаплиқ су үзүш кийими‏-«бурқа» билән деңизға киришини чәкләш қарари «түп әркинлик»кә хилап, дәп һөкүм чиқарди.

Алий мәмури сот, фирансийәниң оттура деңиз саһилидики бәзи шәһәрләрниң һиҗаплиқ су үзүшни чәклиши «диний етиқад әркинликини өз ичигә алған түп кишилик әркинликкә еғир вә ениқ хилаплиқ қилғанлиқ» дәп һөкүм чиқарған.

Б б с ниң илгири сүрүшичә, мәзкур қарар һиҗаплиқ су үзүшни чәклигән 30 дин артуқ шәһәр үчүн бир өрнәк икән. Фирансийә алий мәмури сотиниң бу қарари уйғур аптоном райони бурқа, чүмбәл қатарлиқ ислами кийим пасонлириниң фирансийәдиму чәкләнгәнликини илгири сүрүп, өзиниң мәзкур райондики бу хил кийим пасонлириға қойған чәклимисини ақлиған мәзгилдә чиқирилди.

Йеқинда «тәңритағ» тори аялларниң оринивелишини чәкләш һәққидә мақалә елан қилип, фирансийә, голландийә, түркийә, италийә, австралийә қатарлиқ 9 дөләтниң оринивелишни чәклигәнликини тәкитлигән.

Фирансийәдики кишилик һоқуқ бирлики, анти исламифобийә җәмийити қатарлиқ гуруһлар һиҗаплиқ су үзүшни чәкләшни фирансийә алий мәмури сотиға әрз қилған. Хәлқара кәчүрүм тәшкилати җүмә күни сотниң қарарини қарши алидиғанлиқини билдүрди. Мәзкур тәшкилатниң явропа директори җон далхузен, «фирансийә даирилириниң аяллар һоқуқини қоғдашқа һечқандақ пайдиси йоқ бу бәлгилимидин ваз кечиши шәрт» дегән.

Пикирләр (0)
Share
Толуқ бәт