Xitayning ikki yüzlimichiliki hindistan taratqusida muhim téma bolghan

Muxbirimiz jewlan
2022.06.14
Share on WhatsApp
Share on WhatsApp

Yéqinda hindistan xelq partiyesining ikki ezasi peyghember muhemmed eleyhissalam heqqide bolmighur gep qilip, musulmanlar dunyasining ghezipini qozghighandin kéyin, xitay hökümiti birdinla otturigha chüshüp musulmanlarni yaqlaydighanliqini, bu ishni choqum yaxshi hel qilish kéreklikini bildürgen.

Bir yandin Uyghur musulmanlirigha qebih zulum sélip, bir yandin musulmanlar dunyasigha yaxshichaq bolup kéliwatqan xitayning ikki yüzlimichiliki “Hindistan waqti” gézitining torida widiyoluq körsitilgen.

Bu widiyoda Uyghurlargha qebih zulum séliwatqan turuqluq “Ortaq mewjutluq” teshwiqatini qiliwatqan xitayning hindistandiki “Peyghemberge haqaret qilish” mesilisige ariliship qalghanliqi, shinjangdiki musulmanlarni basturuwatqan turuqluq hindistan'gha ders bermekchi bolghanliqi eyblen'gen.

Bu widiyoda yene xitay tashqiy ishlar minisitirlikining bayanatchisi wang wénbingning: “Xitay her xil medeniyet we dinlarni hörmet qilidu” dégen sözi neqil keltürülüp, Uyghur musulmanlirigha irqiy qirghinchiliq yürgüzüwatqan xitayning hindistan'gha terbiye qilish salahiyitining yoqluqi ilgiri sürülgen.

Melum bolushiche, musulmanlar dunyasi hindistandiki bu weqedin qozghilip ketken bolup, bu heqtiki jiddiy inkaslar we ghezeblik sadalar musulman döletliridiki ijtima'iy taratqularni qaplighan. Bu ehwal musulmanlar dunyasining Uyghur irqiy qirghinchiliqidek zamanimizdiki bu zor paji'ege qarita sükütte turghanliqi bilen roshen sélishturma peyda qilghan. Xitay bolsa musulmanlar dunyasidiki bu ziddiyetlik éytimdin ustiliq bilen paydillinip, ichkiy jehette öz tewelikidiki Uyghurlarni asas qilghan musulmanlarni shepqetsizlik bilen bastursa, sirtqa qarita musulmanlar dunyasigha yaxshichaq bolup körünüshtek “Ikki yüzlimichilik” taktikisini dawamlashturup kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.