Hindistan we xitay armiyeliri bir-birini oq chiqarghanliqta eyiblidi

Muxbirimiz eziz
2020-09-08
Share

Yéqinqi mezgillerde izchil dawalghush ichide turuwatqan hindistan-xitay chégra weziyitide 8-séntebir küni yéngi toqunush bolghanliqi heqqide xewerler otturigha chiqti. "Amérika xewerliri" torining 8-séntebirdiki xewiride éytilishiche, shu küni hindistan-xitay chégrasining ladax bölikide agahlandurush oqliri étilghan.

Birleshme agéntliqning 8-séntebirde béyjingdin bergen xewiride xitay chégra qisimlirining hindistan armiyesini qanunsiz chégra siziqidin ötkenlikte eyibligenliki hemde agahlandurush oqi atqanliqi éytilidu. Emma hindistan armiyesi bu xewerni inkar qilghan hemde xitay qisimlirining postta turuwatqan hindistan eskirini tutmaqchi bolghanliqini, özlirining buninggha qarita agahlandurush oqi atqanliqini tekitligen.

Xitay tashqi ishlar ministirliqining bayanatchisi jaw lijyen "Hindistan armiyesi awwal oq chiqarghan. Bu 1975-yilidin buyan ikki terep chégrasida tunji qétim oq étilish weqesi" dégen. Emma hindistan armiyesining bayanatchisi, polkownik aman anand buni inkar qilghan hemde "Xitay armiyesi qesten iwghagerlik qilip bizning chishimizgha tégiwatidu" dégen.

Hazirche ikki terep otturisida yüz bergen bu qétimqi oq chiqirish weqeside ölgen yaki yarilan'ghanlarning barliqi heqqide héchqandaq melumat yoq. Emma ikki terep otturisidiki munasiwet barghanséri jiddiylishiwatqan bolup, hindistan hökümiti tik-tok qatarliq köpligen xitay eplirini men'i qilghandin buyan bu xil jiddiylik barghanséri ashmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet