Xongkongda tyen'enmén weqesi munasiwiti bilen namayish ötküzüldi

Muxbirimiz ümidwar
2015-05-31
Share


Yekshenbe küni xongkong puqraliri kölimi bir qeder keng namayish ötküzüp, 4 - iyun tyen'enmén weqesini xatirilidi. Namayishchilar özlirining bu herikitini " 4 - Iyun wetenperwerlik démokratik namayishi" dep atighan bolup, en'gliye b b s agéntliqining namayish heqqidiki xewiride éytilishiche, namayishchilar xitay merkiziy hökümitining xongkongdiki bashqurush orgini aldigha bérip, merkiziy hökümettin tyen'enmén weqesini aqlashni hemde xitaydiki démokratik heriketlerni qollashni telep qilghan.

Namayishni xongkong wetenperwerlik we démokratiyeni qollash birleshmisi dep atalghan teshkilat uyushturghan.

Mezkur teshkilat bu namayishqa 3000 adem qatnashqanliqini bildürsimu, emma saqchi terep, eng köp bolghanda 900 din artuq adem qatnashqanliqini bildürdi.

Bu yil 4 - iyun küni 1989 - yilidiki tyen'enmén weqesige 26 yil toshidu, bu munasiwet bilen chet'ellerdiki xitay démokratik heriket guruppiliri türlük shekilde xatirilesh pa'aliyetlirini bashliwetken bolup, xongkongda her yili chong kölemde namayish ötküzüp, tyen'enmén weqesini xatirilesh hem hökümettin weqeni aqlashni telep qilish adetke aylan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet