Xongkongda yene namayish yüz berdi

Muxbirimiz ümidwar
2015.02.01


Yekshenbe küni xongkongda yene bir qétimliq keng kölemde démokratik telep namayishi ötküzüldi.

En'gliye b b s agéntliqining xewer qilishiche, namayish teshkilligüchiliri namayishqa 13ming adem qatnashqanliqini bildürdi, biraq saqchi terep emeliyette 6 mingdin 8 mingghiche adem qatnashqanliqini körsetti. Eslide namayish teshkilligüchiliri qatnishidighan adem sanining 50 minggha yétishi mumkinlikini perez qilghan idi, emma namayishchilar sani mölcherligen'ge yetmigen.

Roytérsning xewer qilishiche, namayishchilargha taqabil turush we tertip saqlash üchün 2 mingdin artuq saqchi ajritilghan.

Namayishni teshkilligüchi asasliq teshkilat, xongkong démokratiye kishilik, hoquq birlik sépi bolup, ular :“Bizge saxta démokratiye kérek emes, bizge ammiwi saylam kérek” dégen sho'arni towlighan.

Bu qétim namayishchilar sériq renglik künlük kötürgen bolup, ular xongkong alahide rayon bashliqi lyang jényüni “Texttin chüsh”, dep sho'ar towlighan.

Emma, namayish teshkilligüchiliri özlirining igilesh pa'aliyiti qilmaydighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.