Wang méng: Uyghur rayondiki égiz - pes iqtisadiy tereqqiyat yerliklerni narazi qilidu

Muxbirimiz jüme
2016.06.11


Xitayning sabiq medeniyet ministiri wang méng Uyghurlarni “Radikal musulmanlar emes” dep körsetken we rayonda yolgha qoyulghan égiz - pes iqtisadiy tereqqiyatning yerliklerni düshmenleshtüriwatqanliqini bildürgen.

U, bu sözlerni xongkongdin chiqidighan “Jenubiy xitay etigenlik pochta géziti” ning ziyaritini qobul qilghanda otturigha qoyghan.

Wang méng 1963 - yilidin 1978 - yilighiche Uyghur élining ghulja shehiride yashighan. U 1986 - yili xitayning medeniyet ministiri bolup teyinlen'gen, emma 1989 - yilidiki tyen'enmén qirghinchiliqidin kéyin wezipisidin élip tashlan'ghan.

U, Uyghurlarning méhriban, dostane xelq ikenlikini körsetken hemde mutleq köp qisim Uyghurlarning radikal emeslikni tekitligen.

Emma u, rayonda yolgha qoyulghan iqtisadiy tereqqiyat méwiliridin Uyghurlarning chette qaldurulghanliqini yumshaq usulda otturigha qoyghan.

U mundaq dégen: “Melum jehettin éytqanda, jiddiy iqtisadiy tereqqiyat we zamaniwilashturush özining en'eniwi medeniyiti we turmush usulini qoghdashni xalaydighan yerliklerde adawet peyda qilghan.”

Bu nuqta kishilik hoquq teshkilatliri we Uyghur éli weziyitini közetküchilirining bayanatliridimu otturigha qoyulghan idi.

Ular xitay hökümitini Uyghur rayonigha qaratqan milliy, diniy we iqtisadiy siyasetlirini özgertishke, Uyghurlarning naraziliqni qozghawatqan amillargha bekrek diqqet aghdurushqa chaqirip kelgen.

Halbuki, xitay hökümiti milliy siyasitige qarap chiqishning ornigha, Uyghurlargha qaritilghan basturush siyasitini téximu kücheytishke bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.