Ақту наһийәлик даириләр аммидин сақчи қошуни ичидики «икки йүзлимичи» ләрни паш қилишни тәләп қилған

Мухбиримиз қутлан
2017-06-26
Share

Бу йил киргәндин буян ақту наһийәси өз тәвәсидин зор түркүмдә ярдәмчи сақчи, бихәтәрлик хадими вә чарлаш сақчиси қобул қилипла қалмастин, бәлки йәнә хитай өлкилиридин юқири мааш вә тәминат билән нәччә йүзлигән «террорлуққа қарши алаһидә сақчи» қобул қилған иди.

Ақту наһийиси йеңидин қобул қилинған бу зор түркүмдики сақчи қошуниниң памир егизликидики чегра бойлири вә аһалиләр районлириниң муқимлиқини сақлайдиғанлиқини билдүргән иди.

Ақту наһийәлик һөкүмәт торидин мәлум болушичә, наһийә даирилири 6-айниң 18-күни аммиға омумий уқтуруш чиқирип, сақчи қошуни ичидики «икки йүзлимичи» ләрни паш қилишни тәләп қилған.

Мәзкур уқтурушта паш қилиш обйектиниң наһийәлик сақчи идарисигә қарашлиқ барлиқ сақчи хадимлирини, шу җүмлидин ярдәмчи сақчиларни өз ичигә алидиғанлиқи әскәртилгән. Паш қилиш мәзмунида аталмиш «икки йүзлимичи» яки «икки йүзлимичиләр гуруһи» ға четишлиқ сақчиларни паш қилишни биринчи орунға қойған.

Уқтурушта йәнә «һөкүмәт паш қилғучиларниң кимлики вә шәхсий бихәтәрликини капаләткә игә қилиду, әгәр паш қилғучидин өч елиш қилмишлири байқалса уларни қанун бойичә қаттиқ җазалайду,» дейилгән.

Көзәткүчиләр, бу әһвал хитай даирилириниң өзлири қобул қилған сақчиларға, болупму уйғур сақчиларға болған ишәнчиниң йоқлуқини ашкарилап бериду, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт