Уйғур районида "иккийүзлимичилик" кә қарши һәрикәт долқуниниң йәнә давамлишидиғанлиқиниң шәписи берилди

19-Қурултайда сиясий бюрониң әзалиқиға тәйинләнгән, уйғур аптоном районниң партком секретари чен чүәнго, бүгүн 19-қурултайниң йепилишидин кейин аталмиш шинҗаң вәкилләр йиғини өткүзүп, 19-қурултайниң роһини йәткүзүш һәққидә орунлаштуруш елип барған.

Муһаҗирәттики уйғур көзәткүчиләр чен чүәнгониң сиясий бюроға кириш -кирмәсликини униң нөвәттә уйғур районида елип бериватқан тутқун һәрикәтлириниң хитай мәркизи һөкүмити тәрипидин йәниму җасасәтләдүрүш яки җасарәтләндүрмәслик мәсилиси дәп қарап кәлгән.

Чен чүәнгониң мәзкур орунлаштуруши билән әйни вақитта уйғур районлуқ һөкүмәтниң ақсу торида елан қилинған бир мақалидә, иккийүзлимичиләргә давамлиқ һошяр болуш, техиму кәң паш қилиш вә адаққичә күрәш қилиш тәшәббус қилинған. Уйғур районида чен чүәнго дәвридә башланған иккийүзлимичиликкә қарши һәрикәт, уйғурлар ичидики миллий вә диний мәсилидә хитайға актиплиқ билән маслашмиған юқири дәриҗилик әмәлдарлардин тартип йезиларда мәсчит җамаити билән қоюқ мунасивәттә болған партийә әзасиға қәдәр зәрбә нишани болған.

Мәлум болушичә, бәзи йәрлик даириләр нөвәттики җиддий вәзийәтни аһалиләргә чүшәндүргәндә, сәвәбни 19-қурултайнң бихәтәрликигә бағлап чүшәндүргән вә қурултайдин кейин вәзийәттики җиддийчиликниң пәсийидиғанлиқи йәни йепиқ тәрбийәләш мәркәзлириниң тақилидиғанлиқи һәққидә шәпә бәргән. Ақсу торидики бүгүнки мақалида йәнә "иккийүзлимичиләргә қарши тиғму-тиғ күрәш қилип, баш нишанға мәркәзлишиш" тәшәббус қилинған.

Муһаҗирәттики бәзи уйғур көзәткүчиләр, уйғур нопусиниң бәлгилик бир қисмини қамақханида тутуп туруватқан уйғур райони партком секретари чен чүәнгониң сиясий бюроға кирәлиши вә ақсу торидики юқириқи чақириқларни, уйғур районидики җиддий вәзийәтниң йәнә давамлишидиғанлиқидин бешарәт дәп қарашмақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар