Хитай һөкүмитиниң 1997-йили хоңкоңни қайтурувалғанда «бир дөләттә икки хил түзүм болуш» һәмдә хоңкоңниң һазирқи һалитини 50 йилғичә өзгәртмәслик һәққидә бәргән вәдилириниң ялғанға чиқиватқанлиқи йеқиндин буян хәлқараниң тәнқид темиси болуп қеливатқанлиқи мәлум. японийәдики «японийә авангартлири» журнилиниң 2-июндики мақалисидә бу әһвал «хитай һөкүмити хоңкоңни иккинчи шинҗаң қилишни қәстләватиду» дәп хуласиләнди.
Мақалида көрситилишичә, хитай һөкүмитиниң «дөләт бихәтәрлик қануни» ни хоңкоңда иҗра қилмақчи болуши хитай һөкүмитиниң бу һәқтики вәдилириниң әмәлдин қалғанлиқини көрситидикән. Бу қанун иҗра қилинса хитай һөкүмити биваситә һалда хоңкоңниң «бихәтәрлик» саһәсигә биваситә рәһбәрлик қилидикән. Хоңкоңдики бәзи кишиләр бу һалға қарита «хоңкоң әмди иккинчи шинҗаң болуп қалидиған болди» дейишмәктә икән.
Апторлар буниңда 2009-йили үрүмчидә хитай һөкүмитигә қарши «5-июл намайиши» йүз бәргәндин кейин хитай һөкүмитиниң өзлиригә наразилиқи бар, дәп гуман қилғанлики кишиләрниң һәммисини тутқун қилғанлиқи һәмдә уларни «қайта тәрбийәләш мәктипи» намидики лагерларға қамишини көздә тутқан. Әмдиликтә болса хоңкоңдики демократийә намайишиға қатнашқан барлиқ кишиләрниң ашу хил ақивәткә дуч келиш еһтималлиқи һәр саһә кишилирини әндишигә салмақтикән.
