Amérika, hindistan, yaponiye, awstraliye rehberliri ilghar téxnikini kishilik hoquq bilen baghlashni qarar qilghan

Muxbirimiz erkin
2021-09-20
Share

Amérika, yaponiye, hindistan, awstraliye qatarliq 4 döletning rehbiri kéler hepte washin'gtonda körüshüp, dunya özek teminat zenjirining bixeterlikini qoghdash we yuqiri téxnikini kishilik hoquq bilen baghlashni qarar qilidiken.

"Nikéy asiya" torining ilgiri sürüshiche, bu 4 dölet ittipaqining hindi-tinch okyan rayonida xitaygha taqabil turush da'irisini kéngeytiwatqanliqini körsitidiken. "Nikéy asiya" töt dölet rehbiri hasil qilghan ortaq bayanatning bir nusxisigha érishken bolup, bayanatta "Qattiq détal, yumshaq détal we mulazimette chidamliq, köp xil we bixeter téxnologiye teminat zenjiri" ning bu ellerning dölet menpe'eti üchün intayin muhimliqini jezmleshtürgenliki tekitlen'gen.

Xewerde éytilishiche, bayanatta yene téxnika tereqqiyatigha a'it ortaq prinsiplar otturigha qoyulghan bolup, "Téxnikining layihelesh, tereqqiy qildurush, bashqurush we ishlitish usulida bizning ortaq démokratik qimmet qarishimiz we uniwérsal kishilik hoquqqa hörmet qilishimiz kérek," déyilgen iken.

Xitay hökümiti ilgiri yuqiri téxnikaliq nazaret sistémisi berpa qilip, buni bashqa döletlerge éksport qilishta aldi bilen Uyghurlargha sinaq qilghan. U Uyghur élide ghayet zor kölemdiki yuqiri téxnikaliq nazaret sistémisi qurup, démokratik döletlerni endishige salghan idi.

"Nikéy asiya" torining éytishiche, bayanatta xitayning ismi tilgha élinmighan bolsimu, biraq xitayning téxnologiyeni xata ishlitiwatqanliqigha qarita imada bolup, "Téxnologiyeni qanunsiz ötküzüp bérish yaki oghrilash yer shari téxnika tereqqiyatining ulini buzidighan ortaq xiris" ikenliki we buning "Hel qilinish kérek" liki tekitlen'gen. Prézidént baydén kéler hepte washin'gtonda yaponiye bash weziri suga, awstraliye bash ministiri morrison we hindistan bash ministiri modini kütüwalidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet