Xitay yawropa ittipaqi diplomatlirining ilham toxti bilen körüshüsh teleplirini dawamliq ret qilghan

Muxbirimiz erkin
2021-07-30
Share

Xitay yawropa ittipaqi diplomatlirining Uyghur éli ziyaritide türmidiki ataqliq Uyghur ziyaliysi ilham toxti bilen körüshüsh teleplirining ‍izchil jahilliq bilen ret qilghan. "Bilumbérg xewerliri" agéntliqining 30-iyul xewer qilishiche, "Shinjangni ziyaret qilish mesilisidiki diplomatik jiddiylikning merkizige aylan'ghan".

Bu, xitayning yawropa ittipaqining ilham toxti bilen körüshüsh telipini tunji qétim ret qilishi emes. U burunmu bir qétim ret qilghanidi. Xitayning néme üchün yawropa ittipaqi diplomatlirining tömürlük qamaqqa höküm qilinip, ‍ürümchidiki bir türmide jaza mudditini ‍ötewatqan bir siyasiy mehbus bilen körüshüshidin bunchilik bi'aram bolidighanliqi melum emes.

"Bilumbérg xewerliri" ning éytishiche, xitay terep yawropa ittipaqini ilham toxti bilen körüshüshte ching turuwélip, bu ziyaretke tosqunluq qilish bilen eyibligen. Uyghur aptonom rayonluq hökümetning bayanatchisi shu guyshyang 30-iyul muxbirlargha biryussél ilham toxti bilen körüshimiz, dégen'ge oxshash "Orunsiz telepler" de bolghanliqi üchün yawropa ittipaqi diplomatlirining rayonni ziyaret qilishida "Herqandaq bir yéngi mahiyetlik ilgirilesh bolmighanliqi" ni bildürgen.

Uning qarishiche yawropa ittipaqining "Ilham we bashqa jinayetchiler bilen sözlishishni telep qilishi xitayning igilik hoquqigha qilin'ghan hörmetsizlik" iken. Lékin Uyghur teshkilatlirining éytishiche, xitay hökümiti özining Uyghurlargha qarita élip barghan irqiy qirghinchiliqi we lagér-türmilerde milyondin artuq Uyghurni tutup turuwatqanliqi pash bolup kétishidin ensirep gherbning Uyghur élide tekshürüsh élip bérishigha her xil shertlerni qoyup tosqunluq qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet