Güzelnur xanim ilham ependi bilen bille tutqun qilin'ghan oqughuchilarning dérikini alghanliqini bildürdi

28-Yanwar küni radi'omiz ziyaritini qobul qilghan güzelnur xanim tutup kétilgen oqughuchilarning ürümchide ikenlikini, emma ilhamning nediliki heqqide yenila xewer yoqluqini bildürdi.

Güzelnur xanimning bildürüshiche, 15-yanwar küni ilham toxti ependi bilen bir künde tutqun qilin'ghan béyjing milletler uniwérsitétining oqughuchiliridin perhatning a'ilisi 28-yanwar küni oghlining ürümchi sheherlik jama'et xewpsizlik idariside ikenliki heqqide uchur alghan bolup, perhatning a'ilisidikiler güzelnur xanimgha yene shu küni tutulghan bashqa oqughuchilarningmu ürümchide bolushi mumkinlikini bildürgen.

Güzelnur xanim da'irilerning ilham toxti ependining qeyerde ikenliki heqqide özige 28-yanwar künimu héchqandaq uchur bermigenlikini bayan qilip, ilham toxti ependining nöwettiki ehwalidin ensirewatqanliqini bildürdi.