Amérika qelemkeshler merkizi ilham toxtini qoyup bérishke chaqirdi

Muxbirimiz erkin
2014.05.30
Share on WhatsApp
Share on WhatsApp

Amérika qelemkeshler merkizi 28‏-may xitay re'isi shi jinpinggha ochuq xet élan qilip, bu yilning bashliri “Bölgünchilik” bilen eyiblinip qolgha élin'ghan Uyghur öktichi ziyaliy ilham toxtini derhal qoyup bérishke chaqirdi.

Ochuq xette körsitishiche, ilham toxti yéqinqi yillardin buyan medeniyiti, tili, diniy étiqadi barghanche buzghunchiliqqa uchrawatqan Uyghurlar bilen, xenzular otturisida tinch di'alog qurushqa tirishchanliq körsetken.

Mezkur ochuq xet, 4‏-iyun “Tyen'enmén weqesi” ning 25 yilliq harpisida we Uyghur qoralliq qarshiliq herikiti küchiyip ketken bir mezgilde élan qilindi.

Bezi tenqidchiler, xitayning ilham toxtigha oxshash mötidil pikirlerni basturushi Uyghurlarni ümidsizlendürüp, qoralliq qarshiliq qilish yoligha mejburlawatqanliqini ilgiri sürgen.

Qelemkeshler merkizi bu yil 27‏-aprél en'gliye “Hamiy” gézitide ilham toxtini qoyup bérishni telep qilip, 50 yazghuchi imza qoyghan ochuq xet élan qilghan. Xitayning en'gliyede turushluq elchixanisi7‏-may küni bu ochuq xetke jawab bérip, bu organni “Ghezep” bilen tenqid qilghan we junggo edliye igilik hoquqigha mudaxile qilghanliqini ilgiri sürgen.

Qelemkeshler merkizi bu qétimqi ochuq xétide, shi jinpinggha chaqiriq qilish bilen birge, xitay elchixanisigha jawab bergen. Ochuq xette: halbuki, biz ilham toxtining ipade erkinlik hoquqini qollan'ghanliqi seweblik türmige tashlan'ghanliqi, adwokat teklip qilishi ret qilin'ghanliqidin qattiq endishe qilghanliqimizni eng küchlük ibariler bilen tekrarlaymiz, dégen.

Ilham toxti yéqinda amérika qelemkeshler merkizining yézish erkinlik mukapatigha érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.