Хитайниң интернет тосуқлиридин үнүмлүк өтүп кетәләйдиған бир қисим қаналларни зәрбә нишани қилғанлиқи мәлум

Мухбиримиз җүмә
2015-01-24
Share


Хитай даирилириниң хитайдики интернет тосуқлиридин үнүмлүк өтүп кетәләйдиған бир қисим қаналларни зәрбә нишани қилғанлиқи мәлум.

Хитайдин чиқидиған "йәршари вақит гезити" ниң 24 - январдики хәвиригә қариғанда, даириләр нөвәттә өзиниң интернет сүзгүч юмталини илғарлаштуруп, VPN йәни "мәвһум хусусий тор" қаналлирини тосушқа тутунған.

VPN Хитайниң тор тосуқлиридин өтүп кетәләйдиған мәхпий улиниш билән тәминләйдиған интернет мулазимити болуп, бу мулазимәт қоллинилса интернет хитай мулазиметирлиридин хупиянә һалқип өтүп хитайда чәклигән барлиқ тор бәтлирини улиниш билән тәминләйдикән.

Бундақ болғанда, мәзкур мулазимәт тәминлигән мәхпий тор алақиси хитайниң байқаш юмталлириға чүшмәйдикән.

Нөвәттә хитай даирилири хитай интернет сүзгүчлириниң тосуш функсийәлирини ашуруп VPN алақисигә зәрбә беришкә өткән.

Хитайдики көпинчә тор қолланғучилирини VPN мулазимити билән тәминләйдиған астрилл ширкити өз ширкитиниң нөвәттә зор риқабәткә дуч келиватқанлиқи, әмма хитайдики тор чәклимисигә қариши күришиниң техи түгимигәнликини билдүргән.

Астрилл ширкити һинди окяндики арал дөлити сейшел җумһурийитидә қурулған болуп, мулазимитидики юқири дәриҗидики мәхпийлики билән хитай тордашлириниң қоллишиға еришкән ширкәт иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт