Erkin tuniyaz ochuq xet élan qilip, "Üch xil küch"ke zerbe bérish ipadisini bildürdi

Muxbirimiz ümidwar
2017-04-30
Share


Kériye nahiyesining jay yézisining partkom mu'awin sékrétari obulqasim mettursun bashlap bergen Uyghurlargha qarita xitab sheklidiki ochuq xet élan qilish hazir aptonom rayon re'isi we mu'awin re'islirigiche kéngeygen.

28-Aprél küni Uyghur aptonom rayoni mu'awin re'isi erkin tuniyaz ochuq xet élan qilip, Uyghur rayonining muqimliqini qoghdashtiki eng chong mes'uliyetning her derijilik az sanliq millet rehbiriy kadirlirining zimmiside ikenlikini körsetken.

U özining "Shinjang géziti"de élan qilghan mezkur bayanatini bashqa Uyghur rehbiri kadirlar tekitligendek "Shinjang ezeldin ulugh wetinimizning ayrilmas bir qismi" dégen jümle bilen bashlap, xitay kompartiyesining bu rayonda milliy térritoriyilik aptonomiyini yolgha qoyghanliqini tilgha alghan. Emma u "Shinjang Uyghur aptonom rayoni" dep atalghan bu rayondiki Uyghurlarning aptonomiye hoquqining qoghdilinishigha a'it mewjut mesililer heqqide éghiz achmighan. U, kommunistik partiyening Uyghur rayonidiki her millet xelqige qolliniwatqan ma'arip, iqtisad we bashqa her jehetlerdiki parawanliq siyasetlirini, mesilen, 15 yilliq heqsiz ma'arip,, heqsiz salametlik tekshürüsh we bashqilarni tekitlep, minnetdarliq terbiyesini ilgiri sürgen.

Erkin tuniyaz özidin ilgiri ochuq xet élan qilghan bashqa yuqiri derijilik Uyghur rehbiri kadirlar qollan'ghan jümliler yeni, atalmish "Üch xil küch"lerning "Uyghurlarning obrazigha dagh tegküzgenliki"ni eskertip,"Ular biz Uyghur millitining wetinimiz xelqining qelbidiki abruyi we obrazini töküwetti" dégen.

Xitay metbu'at uchurliridin ashkarilinishiche, buningdin bashqa yene 25-28-aprél künliri Uyghur aptonom rayonluq axbarat, neshriyat we radi'o idarisi, aptonom rayonluq idare-organ ishlirini bashqurush idarisi, aptonom rayonluq ishchilar uyushmisi, aptonom rayonluq mejruhlar jem'iyiti qatarliq idare we jem'iyetlerde "Üch xil küch"ke qarshi küresh qilish qesemyad pa'aliyetliri ötküzülüp, asasliqi Uyghur rehbiri kadirlar özlirining meydanini bildürüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.