Iran prézidénti özining tunji gherb ziyaritini bashlidi

Muxbirimiz ümidwar
2016-01-25
Share


Xitay dölet re'isi shi jinpingning iran'gha qaratqan ziyariti axirliship bir kün ötkendin kéyinla, iran prézidénti hesen rohani özining yawropagha qaratqan resmiy ziyaritini bashlidi.

Rusiye xewerler agéntliqining yézishiche, hesen rohani 25 - yanwar küni italiyide ikki künlük dölet ziyaritide bolghandin kéyin 27 - yanwar küni fransiyeni ziyaret qilidiken.

U yene 26 - yanwar küni watikanda ziyarette bolup, rim papasi bilen körüshidiken.

Bu, amérika we yawropa ittipaqi yadro pilani mesiliside iran'gha qaratqan türlük imbargoni bikar qilghandin kéyin, iran prézidéntining tunji qétim yawropa döletliride resmiy ziyaret élip bérishi iken.

Iran'gha qaratqan imbargoning bikar qilinishini yuqiri bahalighan hesen rohani buning iran bilen gherb döletlirining munasiwetlirining yéngi sehipisini achqanliqini ilgiri sürgen idi.

Hesen rohani 23 - yanwar küni téhran'gha dölet ziyariti bilen kelgen xitay re'isi bilen körüshkende, ikki döletning soda - iqtisadiy we énérgiye sahesidiki hemkarliqlirini téximu ashurushqa kélishken idi. Shinxu'aning xewer qilishiche, shi jinping yene iranning diniy dahiysi hameyni bilenmu ayrim körüshken idi. Shi jinping yawropa ittipaqi we amérika iran'gha qaratqan imibargoni bikar qilghandin kéyin iranni ziyaret qilghan tunji chet'el prézidénti hésablandi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet